ავტორიზაცია
აგუერო: "ბარსელონა ჩემპიონთა ლიგის ფავორიტი არ არის, მაგრამ მეტოქეები უნდა გვიფრთხილდნენ"
"ბარსელონას" თავდამსხმელმა, სერხიო აგუერომ 2021/22 წლების სეზონში კატალონიური გრანდის პერსპექტივების შესახებ ისაუბრა.
"ბარსელონა" "ბარსელონაა", ამიტომაც ყველა ტიტულისთვის უნდა ვიბრძოლოთ. ჩემპიონთა ლიგის ფავორიტები არ ვართ, მაგრამ მეტოქეები პატივს გვცემენ".
"ყოველ ჯერზე, როცა "ბარსას" წინააღმდეგ ვთამაშობდი, თუნდაც უმძიმეს მდგომარეობაში, ვამბობდით: "ეს "ბარსელონაა". შეიძლება, ჩემპიონთა ლიგაზე ჩვენგან ბევრს არ ელიან, მაგრამ მეტოქეები უნდა გვიფრთხილდნენ", - ციტირებს არგენტინელის სიტყვებს Marca.
შეგახსენებთ, 33 წლის სამხრეთამერიკელი "ბარსაში" 2021 წლის ზაფხულში თავისუფალი აგენტის სტატუსით გადავიდა.
როგორც 9 აგვისტოს გახდა ცნობილი, კატალონიურ გრანდში აგუეროს დებიუტი ტრავმის გამო ოქტომბრამდე არ შედგება.
