"რონალდუს იუნაიტედში გადასვლა არ გამხარებია! არის თუ არა ის კარგი ფეხბურთელი? სამწუხაროდ კი", - კლოპი
„ლივერპულის“ მთავარმა მწვრთნელმა, იურგენ კლოპმა, „მანჩესტერ იუნაიტედში“ კრიშტიანუ რონალდუს დაბრუნებაზე ისაუბრა.
„მიხარია თუ არა, რომ ის „იუნაიტედში“ გადავიდა? არა, არ მიხარია. ასე ვერ ვიტყოდი.
არის თუ არა ის კარგი ფეხბურთელი? სამწუხაროდ, კი. ეს ტრანსფერი გამიკვირდა, მაგრამ მისი „მანჩესტერ იუნაიტედში“ დაბრუნება ნამდვილად არ მდომებია.
ყველაზე მეტად მაშინ გამიკვირდა, როცა მისი „იუვენტუსიდან“ წასვლაზე დაიწყო საუბრები. წარმოდგენაც კი არ მქონდა, რომ ეს შეიძლებოდა მომხდარიყო, ამიტომ გაოცებული დავრჩი.
როცა მის „სიტიში“ შესაძლო გადასვლაზე წამოვიდა საუბრები, ვიფიქრე: „იუნაიტედისთვის ეს სახალისო სიტუაცია იქნება.“ შემდეგ კი, „მან.იუნაიტედმა“ ნაბიჯები გადადგა და ფეხბურთელი თავისთან დააბრუნა.
ეს თავისუფალი სამყაროა. მათ შეუძლიათ გააკეთონ ის, რაც უნდათ.“ - ციტირებს კლოპის სიტყვებს Sky Sports.
რონალდუმ „იუნაიტედში“ დაბრუნებისთანავე პირველივე მატჩში „ნიუკასლს“ დუბლი შეუსრულა.
