დაიწყებს თუ არა მამარდაშვილი რეალთან მატჩს ძირითადში? Marca-ს სავარაუდო შემადგენლობები
ესპანური გამოცემა Marca დღევანდელი მატჩის სავარაუდო შემადგენლობებს გვთავაზობს.
თბილისის დროით 23:00 საათზე „ვალენსია“ „მესტალიაზე“ მადრიდის „რეალს“ უმასპინძლებს.
4 ტურის შემდეგ „რეალს“ და „ვალენსიას“ იდენტური შედეგები აქვთ: 3 გამარჯვება და 1 ფრე, რის გამოც გუნდები ჯერჯერობით მეორე-მესამე პოზიციებს იყოფენ და მადრიდული გუნდი წინ მხოლოდ ბურთების უკეთესი შეფარდებით იმყოფება.
მადრიდული გამოცემა Marca-ს ინფორმაციით, ამ შეხვედრას, ისევე ლა ლიგის წინა ოთხ მატჩს, სასტარტო შემადგენლობაში დაიწყებს ქართველი მეკარე გიორგი მამარდაშვილი.
ორივე გუნდის სავარაუდო შემადგენლობები:
„ვალენსია“: გიორგი მამარდაშვილი, კორეია, პაულისტა, ალდერეტე, გაია, დანიელ ვასი, უგო გილამონი, სოლერი, ფოლკიერი, მაქსი გომესი, გონსალო გედეში
„რეალი“: კურტუა, კარვახალი, მილიტაო, ალაბა, გუტიერესი, კაზემირო, ვალვერდე, მოდრიჩი, აზარი, ბენზემა, ვინისიუსი.
ვიდეო, რომელიც ლა ლიგის ოფიციალურმა იუთუბ-არხმა გიორგი მამარდაშვილის მიერ პირველ ტურში, „ხეტაფესთან" ჩატარებულ მატჩს მიუძღვნა. „ღამურებმა" ის შეხვედრა 10 კაცით, 1:0 დიდწილად ქართველი მეკარის დამსახურებით მოიგეს. მისი სეივი ტურის საუკეთესოდაც კი დასახელდა.