რომა პელეგრინის კონტრაქტს უხანგრძლივებს და ხელფასს უზრდის

"რომა" ნახევარმცველ ლორენცო პელეგრინის კონტრაქტს გაუხანგრძლივებს.

უახლოეს პერიოდში მხარეები შეხვედრას გამართავენ ბოლო დეტალების მოსაგვარებლად, წერს ჟურნალისტი, ნიკოლო სკირა.

25 წლის ფეხბურთელის ახალი ხელშეკრულება 2026 წლამდე იქნება გათვლილი. მისი წლიური ანაზღაურება 4 მილიონ ევრომდე გაიზრდება.

ამასთანავე, კონტრაქტში არ იქნება გათვალისწინებული გამოსასყიდი თანხის პუნქტიც, რომელიც ამჟამად 30 მილიონს შეადგენს.

პელეგრინი "რომას" ღირსებას 2017 წლიდან იცავს. იგი რომაელთა აღზრდილია, თუმცა 2015 წელს "სასუოლოში" გადავიდა.