ბოლონიას მთავარი მწვრთნელის პოსტზე მიხაილოვიჩს დე როსი ჩაანაცვლებს?
"ბოლონიას" მთავარი მწვრთნელი, სინიშა მიხაილოვიჩი იტალიის ჩემპიონატის მე-4 ტურში "ინტერთან" (1:6) განცდილი სამარცხვინო მარცხის შემდეგ შეიძლება გაათავისუფლონ.
მიხაილოვიჩის შემცვლელად "რომას" ყოფილი კაპიტანი, დანიელე დე როსი განიხილება, იტყობინება TMW.
მოგეხსენებათ, დე როსი ევრო 2020-ზე იტალიის ნაკრების სამწვრთნელო შტაბის წევრი იყო, მაგრამ ეროვნული გუნდის დატოვება და დამოუკიდებლად მუშაობა გადაწყვიტა.
"ბოლონიას" ოთხ მატჩში 7 ქულა აქვს აღებული და სერია ა-ს სატურნირო ცხრილის შუაში იმყოფება.