ტოტენჰემი ახალგაზრდა ნახევარმცველს კონტრაქტს გაუხანგრძლივებს
"ტოტენჰემი" ნახევარმცველ ოლივერ სკიპთან კონტრაქტის გახანგრძლივებას აპირებს, იტყობინება The Sun.
გავრცელებული ინფორმაციით, "დეზებს" 2021/22 წლების სეზონის სტარტზე წარმატებული თამაშისთვის 21 წლის ინგლისელის დაჯილდოება სურთ.
მიმდინარე სეზონში სკიპმა "ტოტენჰემის" რიგებში 5 მატჩი ჩაატარა, თუმცა თავი შედეგიანობით არ გამოუჩენია.
მოქმედი ხელშეკრულების ვადა ლონდონელთა ახალგაზრდა ფეხბურთელს 2024 წლის ივნისის ბოლოს ეწურება.