ავტორიზაცია
"სანამ მოვკვდები, მინდა იქ ვნახო", - რონალდუს დედამ შვილს სასურველი კლუბი დაუსახელა
"მანჩესტერ იუნაიტედის" თავდამსხმელის, კრიშტიანუ რონალდუს დედას, მარია დოლორეს ავეირუს იმედი აქვს, რომ მისი შვილი ბუცების ლურსმანზე ჩამოკიდებამდე "სპორტინგში" ითამაშებს.
მოგეხსენებათ, 36 წლის პორტუგალიელმა სუპერვარსკვლავმა კარიერა სწორედ ლისაბონურ კლუბში დაიწყო.
"რონალდუს უკვე ვუთხარი, რომ სანამ მოვკვდები, მინდა ვნახო, თუ როგორ თამაშობს "სპორტინგში". თუ ის არ იქნება, მაშინ მისი შვილი იყოს, ის კრიშტიანუზე უკეთესად თამაშობს", - ციტირებს დოლორესის სიტყვებს Record.
გასულ ზაფხულს რონალდუ "იუვენტუსიდან" "მანჩესტერ იუნაიტედში" დაბრუნდა და "ეშმაკუნებთან" 2+1 სქემიან კონტრაქტს მოაწერა ხელი.
შეგახსენებთ, კრიშტიანუ "ემიუსთან" ერთად ინგლისის 3-გზის ჩემპიონია, ქვეყნის თასის მფლობელი, ჩემპიონთა ლიგისა და მსოფლიოს საკლუბო ჩემპიონატის გამარჯვებული.
