"ოპტიმისტურად ვართ განწყობილი", - პაულო დიბალას მომავალი პრაქტიკულად გადაწყვეტილია
თავდამსხმელი პაულო დიბალა „იუვენტუსთან“ უახლოეს პერიოდში ახალ კონტრაქტს გააფორმებს.
ამის შესახებ გუნდის სპორტულმა დირექტორმა, პაველ ნედვედმა განაცხადა.
„მოლაპარაკებები დადებითად მიმდინარეობს, ოპტიმისტურად ვართ განწყობილი და გვაქვს შეგრძნება, რომ შეთანხმება უკვე ახლოსაა.“ - ციტირებს სპორტული დირექტორის სიტყვებს ჟურნალისტი ფაბრიციო რომანო.
„იუვეს“ და არგენტინელი ფეხბურთელის განხეთქილების მთავარი მიზეზი ფულადი საკითხია - „იუვენტუსი“ დიბალას კონტრაქტს 2025 წლამდე და 8 მილიონ ევროს სთავაზობდა, პაულო კი 2026 წლამდე ხელშეკრულებას და წლიურად 10 მლნს ითხოვდა.
თუ მხარეები ვერ შეთანხმდებიან, დიბალა 2022 წლის ზაფხულში ნებისმიერ გუნდში გადასვლას სრულიად უფასოდ მოახერხებს.