ავტორიზაცია
კუმანმა დაასახელა პირობა, თუ რა შემთხვევაში დათანხმდება ბარსელონადან წასვლას
"ბარსელონას" მთავარმა მწვრთნელმა, რონალდ კუმანმა იმის შესახებ ისაუბრა, თუ რა შემთხვევაში დათანხმდება კატალონიური კლუბიდან წასვლას.
"ერთადერთი პირობა, რომლის მიხედვითაც "ბარსელონას" დავტოვებ, - როცა მივხვდები, რომ ჩემი სიტყვები ფეხბურთელებამდე ვერ აღწევს. მაშინ ვიტყვი: "კარგი, აქ დავასრულე". მაგრამ ახლა ეს შემთხვევა არ არის".
"ჩემს ფეხბურთელებთან ერთად გატარებული ყოველი დღე შესანიშნავია", - ციტირებს ჰოლანდიელი სპეციალისტის სიტყვებს გავლენიანი ჟურნალისტი, ფაბრიციო რომანო.
შეგახსენებთ, კუმანი "ლურჯ-ბროწეულისფრებს" სათავეში 2020 წლის ზაფხულიდან უდგას. "ბარსა" ამჟამად ლა ლიგის სატურნირო ცხრილში 4 მატჩში მოპოვებული 8 ქულით მე-8 პოზიციას იკავებს.
