ვინ არის ლაპორტას ფავორიტი კანდიდატი ბარსელონას მთავარი მწვრთნელის დანიშნვის საკითხში?
როგორც ვიცით, "ბარსელონა" ძალიან ახლოს არის რონალდ კუმანის გაშვებასთან. კატალონიელებს უკავშირებენ ხავი ერნანდესს, რობერტო მარტინესს და კიდევ რამდენიმე თავკაცს.
Mundo Deportivo-ს ინფორმაციით, "ბლაუგრანას" პრეზიდენტის, ხოან ლაპორტას ოცნების კანდიდატი ხოსეპ გვარდიოლა არის. კატალონიელები ფუნქციონერი თანამემამულეს უკვე დაუკავშირდა, მაგრამ მისგან მან უარი მიიღო.
საქმე ისაა, რომ "მანჩესტერ სიტის" სპეციალისტს სულაც არ ხიბლავს "ლურჯ-ბროწუელისფრებში" დაბრუნების იდეა და მას თავისი ამჟამინდელი მდგომარეობაც აკმაყოფილებს.
50-წლის ტაქტიკოსის ამჟამინდელი ხელშეკრულება "ქალაქელებთან" გათვლილია 2023 წლამდე, რომლის ამოწურვის შემდეგ ის შვებულების აღებას გეგმავს. გვარდიოლამ არც რომელიმე ნაკრების მწვრთნელობა გამორიცხა.
შეგახსენებთ, რომ კატალონიელი "კამპ ნოუზე" სპეციალისტის რანგში 2008-2012 წლებში მუშაობდა. პეპმა თავის გუნდს მოაგებინა ორი ჩემპიონთა ლიგა, ლა ლიგის სამი ტიტული და კიდევ რამდენიმე ჯილდო.
