VIDEO: ერთა ლიგის მესამე ადგილისთვის მატჩში იტალიამ ბელგიას მინიმალური სხვაობით მოუგო
უეფას ერთა ლიგის მესამე ადგილისთვის მატჩში იტალიის ნაკრებმა ტურინში, "იუვენტუსის" საშინაო არენა "ალიანც სტედიუმზე" ბელგიის ნაკრებს უმასპინძლა.
აღნიშნული დაპირისპირება "სკუადრა აძურას" გამარჯვებით დასრულდა - 2:1.
უგოლო პირველი ტაიმის შემდეგ, შეხვედრაში ანგარიში მეორე ნახევრის სტარტზევე გაიხსნა - 46-ე წუთზე, ნიკოლო ბარელამ იტალიელები დააწინაურა.
65-ე წუთზე, დომენიკო ბერარდიმ მასპინძელთა უპირატესობა ორამდე გაზარდა, საბოლოო შედეგი კი 86-ე წუთზე ბელგიელთა ნახევარმცველმა, შარლ დე კეტელარემ დააფიქსირა.
ცნობისთვის, ერთა ლიგის ფინალური დაპირისპირება დღეს გაიმართება, სადაც ერთმანეთს ესპანეთისა და საფრანგეთის ნაკრებები შეხვდებიან.