VIDEO: რონალდუს ჰეთ-ტრიკი და სენსაცია უემბლიზე - ის, რაც ნაკრების თამაშის გამო გამოგვრჩა
საქართველოს ეროვნული ნაკრების თამაშის ფონზე, შესაძლოა გამოგრჩათ ის, რომ მსოფლიო საკვალიფიკაციოს მატჩები ტოპ-ნაკრებებმაც ჩაატარეს.
ინგლისი 1-1 უნგრეთი
სენსაციურად დასრულდა ევროპის ვიცე-ჩემპიონის მატჩი, რომელმაც „უემბლიზე“ უნგრეთს უმასპინძლა და ვერ მოუგო.
ანგარიში 24-ე წუთზე შალაიმ პენალტის ნიშნულიდან გახსნა, 37-ზე კი ჯონ სტოუნსმა წონასწორობა აღადგინა, თუმცა მეტი ინგლისელებმა მეტოქის დაცვას ვერაფერი დაუპირისპირდეს.
მიუხედავად ფეხის დაცდენისა, ინგლისმა 20 ქულა დააგროვა, ჯგუფს ერთპიროვნულად ლიდერობს და მეორეადგილოსან პოლონეთს 3 ქულით უსწრებს.
პორტუგალია 5-0 ლუქსემბურგი
სტადიონ „ესტადიო ალგარვეზე“ კი პორტუგალიის ნაკრებმა ლუქსემბურგი არ დაინდო და 5:0 გაანადგურა.
შეხვედრაში ჰეთ-ტრიკი კრიშტიანუ რონალდუმ გაიფორმა, რომელმაც გოლები მე-8, მე-13 და 87-ე წუთებზე გაიტანა. თითო-თითო გოლი კი ბრუნო ფერნანდეშმა და პალინიამ შეაგდეს.
პორტუგალიამ 16 ქულა დააგროვა და ცხრილში ჯერჯერობით მეორე ადგილს იკავებს და ლიდერ სერბეთთან 1 ქულით აგებს, თუმცა ერთი მატჩით ნაკლებიც აქვს ჩატარებული.