რუსეთში მომუშავე სპეციალისტი, რომლის მოყვანას ლაპორტა ჯერ კიდევ გასულ ზაფხულს გეგმავდა
"ბარსელონას" ხელმძღვანელობა გუნდის ამჟამინდელი მთავარი მწვრთნელის, რონალდ კუმანის შემცვლელის ძიებაშია.
როგორც ავტორიტეტული გამოცემა ESPN იტყობინება, კატალონიური გრანდის თავკაცის პოსტზე დანიშვნის ერთ-ერთი კანდიდატი რალფ რანგნიკია.
ცნობისთვის, გერმანელი სპეციალისტი ამჟამად მოსკოვის "ლოკომოტივში" მუშაობს, სადაც სპორტისა და განვითარების უფროსის თანამდებობაზე მუშაობს.
"ბარსაში" რანგნიკის მიწვევის ვარიანტის განხილვა ბოლო დღეებში დაიწყეს. როგორც აღინიშნება, "ლურჯ-ბროწეულისფერთა" პრეზიდენტმა, ჟოან ლაპორტამ მისი დანიშვნის შესაძლებლობა ჯერ კიდევ გასულ ზაფხულს განიხილა, როცა კუმანის გათავისუფლება უნდოდა.შეგახსენებთ, ჰოლანდიელი სპეციალისტი "ბარსელონას" 2020 წლის აგვისტოდან უდგას სათავეში.