VIDEO: მოიზე კინის გოლმა იუვენტუსს რომასთან მატჩში ზედიზედ მე-4 გამარჯვება მოუტანა!
სერია ა-ს მე-8 ტურში „იუვენტუსმა“ შინ „რომა“ დაამარცხა.
შეხვედრა ტურინში, „ალიანც სტედიუმზე“ გაიმართა და მასპინძელთა გამარჯვებით, 1:0 დასრულდა.
მე-16 წუთზე მოიზე კინმა მატჩის ერთადერთი გოლი ბენტანკურის პასით გაიტანა. 44-ზე „რომამ“ პენალტის შესრულების უფლება მოიპოვა, თუმცა ვერეტუმ თერთმეტმეტრიანი გოლად ვერ აქცია, რაც რომაელებისთვის დამღუპველი აღმოჩნდა.
„იუვენტუსმა“ ზედიზედ მე-4 მატჩი მოიგო და 14 ქულით ცხრილში მე-7 პოზიციამდე ავიდა, „რომა“ კი 15 ქულით მე-4 ადგილზე რჩება.