VIDEO: 5 გოლი, გაძევება და საფეხბურთო შოუ მადრიდში! ლივერპულმა ვანდა მეტროპოლიტანოზე მოიგო
„ატლეტიკომ“ და „ლივერპულმა“ მადრიდში საფეხბურთო სპექტაკლი დადგეს.
შეხვედრა „ვანდა მეტროპოლიტანოზე“ გაიმართა და „ლივერპულის“ გამარჯვებით 3:2 დასრულდა.
მე-8 და მე-13 წუთებზე გატანილი გოლებით „ლივერპული“ ორი ბურთით სწრაფად დაწინაურდა, თუმცა „ატლეტიკო“ არ დანებდა და პირველივე ტაიმში, გრიზმანის დუბლით მოახერხა ანგარიშის გათანაბრება.
თუმცა, თამაში „გაფუჭდა“ 52-ე წუთზე, როცა გრიზმანმა ფირმინოს წინააღმდეგ სერიოზულად იუხეშა და მოედანი ნაადრევად დატოვა.
VIDEO: დუბლის შემდეგ, საშინელი უხეშობა - გრიზმანის პირდაპირი წითელი ბარათი ლივერპულთან მატჩში
გამარჯვების გოლი კი მოჰამედ სალაჰმა 76-ე წუთზე შეაგდო, როცა თერთმეტმეტრიანი ზუსტად შეასრულა და თავის გუნდს უმნიშვნელოვანესი 3 ქულა მოუტანა.
„ლივერპულმა“ 9 ქულა დააგროვა და ჯგუფს ერთპიროვნულად ლიდერობს, „ატლეტიკოს“ კი 4 ქულა აქვს და მეორე ადგილზეა.