VIDEO: ზედიზედ მესამე მარცხი - მილანმა ჩემპიონთა ლიგაზე პორტუსთანაც წააგო
ჩემპიონთა ლიგის ჯგუფური ეტაპის მე-3 ტურის ეგიდით, "მილანი" გასვლით მატჩში "პორტუს" დაუპირისპირდა.
აღნიშნული შეხვედრა პორტუგალიური გუნდის გამარჯვებით დასრულდა - 1:0.
მატჩი არცთუ ისე სანახაობრივი გამოდგა და ერთადერთი გოლი 65-ე წუთზე მასპინძელთა ნახევარმცველმა, ლუის დიასმა გაიტანა.
საინტერესოა, რომ მთელი შეხვედრის მანძილზე "როსონერიმ" კარისკენ 4-ჯერ დაარტყა, საიდანაც მხოლოდ ერთი აღმოჩნდა ზუსტი.
ამ მარცხის შემდეგ, "მილანი" B ჯგუფში სამი ტურის შემდეგ 0 ქულით ბოლო პოზიციაზეა, ხოლო "პორტუ" 4 ქულით მე-3 ადგილს იკავებს.