ავტორიზაცია
მაგუაირი - 0! საუკეთესოდ კი დე ხეა დასახელდა - რა შეფასება მიიღო კრიშტიანუ რონალდუმ ლივერპულთან მატჩის შედეგად?
ინგლისურმა გამოცემა Manchester Evening News-მა „ლივერპულთან“ მატჩის შემდეგ, „მან.იუნაიტედის“ ფეხბურთელებს 10-ბალიანი სისტემით შეფასებები დაუწერა.
„წითელი ეშმაკების“ რიგებიდან საუკეთესო შეფასება მეკარემ, დავიდ დე ხეამ მიიღო - 5.
ყველაზე ცუდ მოთამაშედ კაპიტანი ჰარი მაგუაირი დაასახელეს, რომლის შეფასებამ არც მეტი არც ნაკლები 0-ს შეადგინა.
„მანჩესტერ იუნაიტედის“ მთავარი ვარსკვლავის, კრიშტიანუ რონალდუს თამაში 2 ქულად იყო შეფასებული. ცნობისთვის, პორტუგალიელმა 0:5-ზე ულამაზესი გოლი გაიტანა, რომელიც ვიდეორეფერიმ თამაშგარის გამო გააუქმა.
პრემიერ ლიგის მე-9 ტურის ცენტრალურ მატჩში „ოლდ ტრაფორდზე“ „ლივერპულმა“ „მანჩესტერ იუნაიტედი“ 5:0 გაანადგურა. გოლები ნაბი კეიტამ, დიოგუ ჟოტამ და მოჰამედ სალაჰმა (3) გაიტანეს.
