ავტორიზაცია
"რუდიგერი 4 კლუბთან აწარმოებს მოლაპარაკებებს და ერთ-ერთ მათგანში გადავა", - იტალიელი ჟურნალისტი
ცნობილმა იტალიელმა ინსაიდერმა, ჯანლუკა დი მარციომ იმის შესახებ ისაუბრა, თუ სად შეიძლება გააგრძელოს კარიერა "ჩელსის" მცველმა, ანტონიო რუდიგერმა.
– იცით, საბოლოო ჯამში სად აღმოჩნდება რუდიგერი?
"რუდიგერი "იუვენტუსთან", "მანჩესტერ სიტისთან", "ტოტენჰემთან" და "პსჟ"-სთანაც კი აწარმოებს მოლაპარაკებებს, რომელსაც კვლავ მცველი სჭირდება".
"რთულია იმის წარმოდგენა, რომ "ჩელსისთან" ახალ კონტრაქტს მოაწერს ხელს. დასახელებული ოთხი გუნდიდან ერთ-ერთში გადავა", - თქვა დი მარციომ.
ცნობისთვის, 28 წლის გერმანელ უკანახაზელს "არისტოკრატებთან" მოქმედი ხელშეკრულების ვადა მომავალ ზაფხულს ეწურება და ხელმძღვანელობას ახალ კონტრაქტზე ვერ უთანხმდება.
