VIDEO: იბრას ბენეფისი დედაქალაქში - მილანმა სტუმრად რომას მოუგო და ნაპოლის ისევ დაეწია

სერია ა-ს მე-11 ტურში „მილანმა“ შესანიშნავი სვლა გააგრძელა და სტუმრად „რომას“ მოუგო.

მატჩი „სტადიო ოლიმპიკოზე“ გაიმართა და სტუმართა გამარჯვებით 2:0 დასრულდა.

პირველი ტაიმის ერთადერთი გოლი ზლატან იბრაჰიმოვიჩმა 26-ე წუთზე ჯარიმიდან შეაგდო. 

50-ზე იბრამ დუბლი მიითვალა, თუმცა გოლი თამაშგარის გამო გაუუქმეს. მიუხედავად ამისა, 57-ე წუთზე ზლატანმა პენალტი მოიპოვა, რომელიც კესიმ გოლად აქცია.

მეორე გოლის გასვლისთანავე, იბრამ ბენეფისი წარმატებით დაასრულა და მოედანზე ადგილი ოლივიე ჟირუს დაუთმო.

66-ე წუთზე მეორე ყვითელი ბარათი მიიღო და მინდორი ნაადრევად დატოვა ტეო ერნანდესმა, თუმცა „რომა" მარცხს მაინც ვერ გადაურჩა - ერთადერთი, რაც დედაქალაქელებმა მოახერხეს, 93-ე წუთზე გატანილი გოლია, რომელმაც გუნდი მარცხისგან ვერ იხსნა.

„მილანმა“ 31 ქულა დააგროვა და ცხრილში „ნაპოლის“ ისევ დაეწია - „როსონერი“ უახლოეს მდევარ „ინტერს“ უკვე 7 ქულით უსწრებს.