VIDEO: დამაჯერებელი გამარჯვება ენფილდზე! ლივერპულმა ჯგუფში პირველი ადგილი გაინაღდა

ჩემპიონთა ლიგის ჯგუფური ეტაპის მე-4 ტურში „ლივერპულმა“ საკუთარ კედლებში „ატლეტიკო“ დაამარცხა.

მატჩი „ენფილდზე“ გაიამრთა და მასპინძელთა გამარჯვებით 2:0 დასრულდა.

ორივე გოლი კლოპის გუნდმა პირველ ტაიმში გაიტანა - მე-13 წუთზე ალექსანდრ არნოლდმა ჟოტას გაატანინა, 21-ზე კი - მანეს.

ტაიმის 36-ე წუთზე მანეს წინააღმდეგ უხეშობის გამო მოედნიდან „ატლეტიკოს“ მცველი ფელიპე გააძევეს და მადრიდელების მდგომარეობა უკიდურესად დამძიმდა.

მეორე ნახევარში გუნდებმა თითო-თითო გოლი გაცვალეს, თუმცა ჟოტას და სუარესის გოლები თამაშგარე მდგომარეობების გამო გაუქმდა.

„ლივერპულმა“ 12 ქულა დააგროვა და ჯგუფიდან პირველი ადგილით გასვლა ოფიციალურად გაინაღდა, „ატლეტიკოს“ კი საქმე რთულად აქვს - 4 მატჩში გუნდს 4 ქულა აქვს და მეორეადგილოსან „პორტუს“ 1 ქულით ჩამორჩება.