VIDEO: ყველაზე ხმაურიანი მატჩი ფრედ დასრულდა - მარსელმა და ლაციომ გამარჯვებული კვლავ ვერ გამოავლინეს

ევროპა ლიგისა და უეფას კონფერენც ლიგის გათვალისწინებით, საღამოს ყველაზე დიდი და სახელიანი მატჩი მარსელში, „ველოდრომზე“ გაიმართა.

„მარსელმა“ საკუთარ კედლებში რომის „ლაციოს“ უმასპინძლა და მატჩი შედეგიან ფრედ, 2:2 დასრულდა.

ანგარიში 33-ე წუთზე არკადიუშ მილიკმა პენალტის ნიშნულიდან გახსნა, თუმცა ტაიმის მეშვიდე კომპენსირებულ წუთზე წონასწორობა ფელიპე ანდერსონმა აღადგინა.

49-ე წუთზე იმობილემ სარის გუნდი წინ გაიყვანა, მატჩის გადარჩენა კი „მარსელმა“ 82-ე წუთზე დიმიტრი პაიეს მიერ გატანილი გოლით მოახერხა.

საინტერესოა, რომ „მარსელისთვის“ ეს ევროპა ლიგის ჯგუფურ ეტაპზე მეოთხე მატჩში მეოთხე ნათამაშები ფრეა და გუნდი მე-3 ადგილს 4 ქულით იკავებს, „ლაციო“ კი 5 ქულით მეორე პოზიციაზეა.

ცხრილს „გალათასარაი“ 8 ქულით ლიდერობს.

ამ გუნდებს შორის პირველი მატჩი რომში ასევე ფრედ, 0:0 დასრულდა.