კატალონიაშიც გამოიდარა! ოფიციალურად: ალ სადმა ხავის ბარსელონაში წასვლა დაადასტურა

ყატარულმა „ალ სადმა“ გუნდის მთავარი მწვრთნელის, ხავი ერნანდესის „ბარსელონაში“ წასვლის შესახებ განცხადება გააკეთა.

თავის ექს-ფეხბურთელთან კონტრაქტის გაფორმება „ბარსასთვის“ შესაძლებელი მხოლოდ მას შემდეგ გახდა, რაც მათ „ალ სადს“ გამოსასყიდი თანხა გადაუხადეს.

„ალ სადის“ ადმინისტრაციამ ხავის „ბარსელონაში“ გაშვების გადაწყვეტილება მიიღო, მას შემდეგ რაც მისი კონტრაქტის ნაადრევი გაწყვეტისთვის შესაბამისი თანხა მივიღეთ.

ხავი - „ალ სადის“ ისტორიის მნიშვნელოვანი ნაწილია და მას წარმატებებს ვუსურვებთ.“ - წერს ყატარული გუნდის პრესსამსახური.

უახლოეს პერიოდში, „ბარსელონა“ ხავის მწვრთნელად დანიშვნას ოფიციალურად დაადასტურებს.

ჯერჯერობით არ ზუსტდება, თუმცა გავრცელებული ინფორმაციით, ხავიში „ბლაუგრანას“ 5 მილიონი ევროს გადახდა მოუწია.