დეტალები ცნობილია — პიოლი მილანთან ახალ კონტრაქტს აფორმებს

"მილანის" მთავარი მწვრთნელი, სტეფანო პიოლი კლუბთან კონტრაქტის გახანგრძლივებასთან ახლოსაა.

აღნიშნულ ინფორმაციას იტალიელი ჟურნალისტი, ნიკოლო სკირა ავრცელებს.

როგორც იწერება, მოლაპარაკებები უკვე დასკვნით სტადიაზეა. ახალი ხელშეკრულების მიხედვით, 56 წლის სპეციალისტი წლიურად დაახლოებით 3 მილიონ ევროს მიიღებს + ბონუსები. კონტრაქტი 2024 წლის ზაფხულამდე იქნება გათვლილი.

ოქტომბერში პიოლი სერია ა-ს თვის საუკეთესო მწვრთნელად დაასახელეს. მისი გაწვრთნილი "როსონერი" 32 ქულით "ნაპოლისთან" ერთად იყოფს პირველ და მეორე ადგილებს.