1966 წლის მსოფლიო ჩემპიონი გარდაიცვალა
87 წლის ასაკში გარდაიცვალა ინგლისის ნაკრებში 1966 წლის მსოფლიო ჩემპიონი, რონ ფლაუერსი.
ამის შესახებ „ვულვერჰემპტონი“ „ტვიტერის“ ოფიციალურ გვერდზე წერს.
„დიდი მწუხარებით გატყობინებთ კლუბის ლეგენდის და ვიცე-პრეზიდენტის, რონ ფლაუერსის გარდაცვალებას.
გიგანტი მოედანზე და მის ფარგლებსგ არეთ. დღეს რონს ბევრი გაიხსენებს. ყველა ჩვენი ფიქრი და გონება იმასთან არის, ვისაც ის უყვარდა.“ - ნათქვამია განცხადებაში.
ფლაუერსმა „ვულვზში“ პრაქტიკულად მთელი კარიერა გაატარა, მის ანგარიშზე 467 მატჩი და 33 გოლი. „მგლების“ შემადგენლობაში ის სამჯერ გახდა ინგლისის ჩემპიონი.
ნაკრების მაისურით ფლაუერსი 1955-1966 წლებში თამაშობდა და 49 მატჩში 10 გოლი გაიტანა.