გრიზმანი ჩემპიონთა ლიგაზე მილანთან გასამართ მატჩს გამოტოვებს
"ატლეტიკოს" თავდამსხმელი, ანტუან გრიზმანი დისკვალიფიცირებულია და ჩემპიონთა ლიგის ეგიდით გასამართ მომდევნო ორ მატჩს გამოტოვებს.
30 წლის ფრანგი ფეხბურთელი ევროპის მთავარი საკლუბო ტურნირის ჯგუფური ეტაპის მე-3 ტურში "ლივერპულთან" გამართულ დაპირისპირებაში მიღებული წითელი ბარათის გამო დაისაჯა.
გრიზმანმა ერთი მატჩი უკვე გამოტოვა. ასე და ამგვარად, იგი მადრიდულ გრანდს მე-5 ტურში "როსონერისთან" შეხვედრაში ვერ დაეხმარება.
მიმდინარე სეზონში "ატლეტიკოს" ფორვარდმა ჩემპიონთა ლიგაზე 3 მატჩი ჩაატარა და 3 გოლი გაიტანა.