პეპ გვარდიოლა: "ბავშვებს მაგალითის აღებას ორი ფეხბურთელისგან ვურჩევდი"
"მანჩესტერ სიტის" მთავარმა მწვრთნელმა, ხოსეპ გვარდიოლამ თავისი გუნდის ფეხბურთელების ხელფასებზე იხუმრა.
"ბავშვებს ვურჩევდი, მაგალითი კევინ დე ბრუინისგან და რაჰიმ სტერლინგისგან აიღონ, რადგან ისინი მცველებზე და მეკარეებზე მეტს გამოიმუშავებენ", - ციტირებს ესპანელი სპეციალისტის სიტყვებს Daily Mail.
ცნობისთვის, ინგლისელი თავდამსხმელი "ქალაქელთა" რიგებში ამჟამად კვირაში 300 ათას ფუნტს გამოიმუშავებს, ხოლო ბელგიელი ნახევარმცველი - 400 ათასს.
პრემიერ ლიგის მე-13 ტურის ეგიდით, "მანჩესტერ სიტი" დღეს "ვესტ ჰემს" დაუპირისპირდება. შეხვედრა სტარტს თბილისის დროით 18:00 საათზე აიღებს.