VIDEO: რამოსის დებიუტი, მესის ასისტების ჰეთ-ტრიკი და პსჟ-ს გამარჯვება თოვლიან სენტ-ეტიენში
საფრანგეთის ლიგა 1-ს მე-15 ტურში „პარი სენ-ჟერმენმა“ სტუმრად „სენტ ეტიენი“ დაამარცხა.
შეხვედრა თოვლიან სენტ-ეტიენში გაიმართა და სტუმართა გამარჯვებით 3:1 დასრულდა.
ანგარიში მასპინძლებმა 25-ე წუთზე გახსნეს, თუმცა 45-ზე უხეშობის გამო 10 კაცით დარჩნენ, რითაც „პსჟ-მ“ მალევე ისარგებლა და ანგარიში ლეო მესის პასით მარკინიოსმა გაათანაბრა.
ამ მატჩში ლეო მესიმ საგოლე პასების ჰეთ-ტრიკი გაიფორმა, გოლები კი მარკინიოსმა (2) და ანხელ დი მარიამ გაიტანეს.
ასევე აღსანიშნავია „პსჟ-ს“ მაისურით სერხიო რამოსის დებიუტიც, რომლისთვისაც ეს მაისის შემდეგ პირველი თამაში აღმოჩნდა.
„პსჟ-მ“ 40 ქულა დააგროვა და უახლოეს მდევარ „ნიცას“ უკვე 14 ქულით უსწრებს.