დონარუმა: "მადლობა ყველა იმ ადამიანს, ვისი წყალობითაც ამ პრიზის მოგება შევძელი"
"პსჟ"-ს მეკარემ, ჯანლუიჯი დონარუმამ France Football-ისგან მიღებული ჯილდოს შემდეგ განცხადება გააკეთა.
მოგეხსენებათ, 22 წლის იტალიელი კიპერი ფრანგული ჟურნალის ვერსიით წლის საუკეთესო მეკარედ დასახელდა.
"ევროპის ჩემპიონატის მოგებით იტალიელები გავაბედნიერეთ. აგრეთვე, მინდა მადლობა გადავუხადო ყველას, ვინც "პსჟ"-ში ტრანსფერი შესაძლებელი გახადა. ვიმედოვნებ, ამ კლუბთან ერთად ყველაფერს მოვიგებ".
"მადლობა ჩემს ოჯახს, ჩემს მეგობარ გოგონას და ყველა იმ ადამიანს, ვისი წყალობითაც ამ პრიზის მოგება შევძელი", - თქვა დონარუმამ.
შეგახსენებთ, ჯიჯი, რომელმაც იტალიის ნაკრებთან ერთად ევრო 2020 მოიგო, "პარი სენ ჟერმენში" გასულ ზაფხულს "მილანიდან" თავისუფალი აგენტის სტატუსით გადავიდა.