ავტორიზაცია
ლაუტარო მარტინესი: "მესის ჩემი ბარსელონაში ხილვა უნდოდა, ეს სიმართლეა"
"ინტერის" თავდამსხმელმა, ლაუტარო მარტინესმა განაცხადა, რომ ლიონელ მესის მისი "ბარსელონაში" ხილვა უნდოდა.
"მესის ჩემი "ბარსელონაში" ხილვა სურდა, სიმართლეა. არგენტინის ნაკრებში ამაზე ბევრს ვსაუბრობდით", - ციტირებს მარტინესის სიტყვებს SportMediaset.
"ლეო კლუბში არსებული სიტუაციის შესახებ მიყვებოდა, მაგრამ მე ყოველთვის "ინტერთან" კონტრაქტის გახანგრძლივება მინდოდა, ამიტომაც დავრჩი. მიხარია, რომ დავრჩი, ჩემი ოჯახი იტალიაში ბედნიერია", - დასძინა ლაუტარომ.
ცნობისთვის, ახალი ხელშეკრულების თანახმად, 24 წლის არგენტინელი "ნერაძურის" ღირსებას 2026 წლის ზაფხულამდე დაიცავს.
მიმდინარე სეზონში მარტინესმა ყველა ტურნირზე ერთად 19 მატჩი ჩაატარა, 8 გოლი გაიტანა და 2 შედეგიანი გადაცემაც გააკეთა.
