VIDEO: პსჟ-მ მბაპეს და მესის დუბლებით გაილაღა, სიტი კი სტუმრად ლაიპციგთან დამარცხდა
ჩემპიონთა ლიგის დასკვნით მე-6 ტურში „პსჟ-მ“ შინ „ბრიუგე“ დაამარცხა.
შეხვედრა „პარკ დე პრენსზე“ გაიმართა და მასპინძელთა გამარჯვებით 4:1 დასრულდა.
„პსჟ-ს“ რიგებში დუბლებით თავის გამოჩენა კილიან მბაპემ (2’, 7’) და ლეო მესიმ (38’, 76’ - პენალტი) მოახერხეს.
გოლის გარდა, მბაპემ ამ შეხვედრაში საგოლე პასიც მიითვალა, როცა მესის პირველი გოლი გაატანინა.
„პარიზმა“ 11 ქულა დააგროვა და მერვედფინალის საგზური მეორე ადგილით გაინაღდა.
„ლაიპციგი" 2-1 „სიტი"
პარალელურად მიმდინარე შეხვედრაში კი „მან სიტი“ სტუმრად „ლაიპციგთან“ დამარცხდა.
„რედ ბულ არენაზე“ გამართული მატჩი გერმანულმა გუნდმა 2:1 მოიგო.
24-ე წუთზე ანგარიში დომინიკ სობოსლაიმ გახსნა, 71-ზე კი ანდრე სილვამ სხვაობა ორამდე გაზარდა.
77-ზე რიად მაჰრეზმა ერთი ბურთი გაქვითა, თუმცა 83-ზე კაილ უოკერმა უხეშობისთვის წითელი ბარათი მიიღო და „სიტიმ“ დარჩენილ დროში ანგარიში ვეღარ გაათანაბრა.
შედეგად, ჯგუფი ასე დასრულდა:
„მანჩესტერ სიტი“ – 12 ქულა
„პსჟ“ – 11 ქულა
„ლაიპციგი“ - 7 ქულა
„ბრიუგე“ – 4 ქულა
ევროპა ლიგაზე ასპარეზობას გერმანული „ლაიპციგი“ გააგრძელებს, „ბრიუგესთვის“ კი ევროტურნირები დასრულდა.
