სპინაცოლა მოედანს ზამთრის პაუზის შემდეგ დაუბრუნდება
"რომას" მცველი, ლეონარდო სპინაცოლა მოედანს ზამთრის პაუზის შემდეგ დაუბრუნდება.
აღნიშნულ ინფორმაციას ცნობილი გამოცემა Corriere dello Sport ავრცელებს.
შეგახსენებთ, 28 წლის უკანახაზელმა გასულ ზაფხულს გამართულ ევრო 2020-ზე აქილევსის მყესის სერიოზული ტრავმა მიიღო და ოპერაციის გაკეთება მოუწია.
სპინაცოლა ბელგიასთან გამართული 1/4 ფინალური მატჩის მე-80 წუთზე მოედნიდან საკაცით გაიყვანეს, რამდენიმე დღის შემდეგ კი ფინეთში ქირურგიული ჩარევა ჩაუტარდა.