სად გააგრძელებს კარიერას ერიქსენი?
გულის პრობლემებმა კრისტიან ერიქსენს "ინტერში" დარჩენის საშუალება მაინც არ მისცა. მხარეებმა ხელშეკრულება (რომელიც 2024 წლამდე იყო გათვლილი) ურთიერთშეთანხმებით შეწყვიტეს.
"მაშინაც კი, თუ დღეს ინტერისა და კრისტიანის გზები ერთმანეთს გადაეყრება, ჩვენ შორის ძლიერი და განუყოფელი კავშირი იქნება. მაჩვენებლები, გოლები და გამარჯვებები, გულშემატკივრების ჩახუტება სან სიროს გარეთ სკუდეტოს ზეიმის დროს.
ეს ყველაფერი სამუდამოდ დარჩება ჩვენს ისტორიაში", - ემშვიდობება ფეხბურთელს კლუბის პრესსამსახური. La Gazzetta dello Sport-ის ცნობით, ერიქსენი იმედოვნებს, რომ რეაბილიტაციას იანვარში დაასრულებს და შემდეგ თანდათანობით სრულ ვარჯიშს დაუბრუნდება.
თუ ყველაფერი გეგმის მიხედვით წარიმართება, კრისტიანი კარიერას მომავალ სეზონში განაახლებს. არის ვარიანტი "აიაქსთან", რომელშიც ის თამაშობდა "ტოტენჰემში" გადასვლამდე.
ამისთვის დანიელს მოუწევს ხელფასის შემცირება მინიმუმ სამჯერ. სამაგიეროდ, ჰოლანდიის ჩემპიონატზე დეფიბრილატორით თამაში აკრძალული არ არის - მაგალითად, დეილი ბლინდიც ასეა, რომელიც უპრობლემოდ თამაშობს "აიაქსში" და ეროვნულ გუნდში.
