ავტორიზაცია
იუვენტუსმა და პსჟ-მ შესაძლოა ფეხბურთელები გაცვალონ
„იუვენტუსმა“ და „პსჟ-მ“ შესაძლოა ფეხბურთელები გაცვალონ.
La Gazzetta dello Sport-ის ინფორმაციით, ბრაზილიელი ნახევარმცველი არტურ მელო შესაძლოა საფრანგეთის დედაქალაქში გადაბარგდეს, საპირისპირო მიმართულებით კი პარიზელთა შემტევი მაურო იკარდი გაემგზავროს.
ორივე ფეხბურთელი თავის ამჟამინდელ გუნდში სათამაშო დროით უკმაყოფილოა და კარიერის გაგრძელების სხვა ვარიანტებს განიხილავს.
უშუალოდ იკარდისთვის იტალიაში დაბრუნება, სადაც თავის დროზე ის „ინტერში“ ბრწყინავდა - პრიორიტეტულია.
დიდი ალბათობით, კლუბები ფეხბურთელებს იჯარით გაცვლიან, შემდგომი გამოსყიდვის ვალდებულებით ან შესაძლებლობით.
როგორც გახსოვთ, არტური „იუვენტუსში“ ისედაც გაცვლის შედეგად აღმოჩნდა, როცა „იუვემ“ და „ბარსამ“ არტური და პიანიჩი გაცვალეს.
