VIDEO: 8-მატჩიანი წაუგებელი სერია პრემიერ ლიგაში — კონტეს ტოტენჰემმა უოტფორდს 96-ე წუთზე მოუგო!
ინგლისის ჩემპიონატის 21-ე ტურის ეგიდით, ლონდონის "ტოტენჰემი" სტუმრად "უოტფორდს" დაუპირისპირდა.
აღნიშნული შეხვედრა ანტონიო კონტეს შეგირდების გამარჯვებით დასრულდა, მინიმალური ანგარიშით - 1:0.
როგორც მოსალოდნელი იყო, "დეზები" მთელი მატჩის მანძილზე დომინირებდნენ, მიუხედავად ამისა სამი ქულის მოპოვება უაღრესად გაუჭირდა.
"ტოტენჰემს" მსაჯის მიერ კომპენსირებულ დროში, 96-ე წუთზე, დევინსონ სანჩესის ზუსტმა დარტყმამ მოაგებინა, საგოლე პასი სონ ჰინ მინმა ჩაიწერა საკუთარ აქტივში.
აღსანიშნავია, რომ კონტეს "ტოტენჰემი" პრემიერ ლიგაში დაუმარცხებელია - 5 გამარჯვება და 3 ფრე.
ამ გამარჯვების შემდეგ, "დეზები" სატურნირო ცხრილში 33 ქულით მე-5 ადგილს იკავებენ, ხოლო "უოტფორდი" 13 ქულით მე-17 პოზიციაზეა.