ოფიციალურად: MLS-ის კლუბმა ლორენცო ინსინიეს ტრანსფერი დაადასტურა
"ნაპოლისა" და იტალიის ეროვნული ნაკრების გარემარბი, ლორენცო ინსინიე "ტორონტოს" რიგებში ითამაშებს.
MLS-ის კლუბმა 30 წლის ფეხბურთელის ტრანსფერი ოფიციალურად დაადასტურა. გამოცდილმა შემტევმა 4-წლიან კონტრაქტს მოაწერა ხელი, რომელიც ძალაში 2022 წლის 1 ივლისიდან შევა.
ინსინიე ახალ კლუბს ზაფხულში შეუერთდება. როგორც დაიწერა, ლორენცო "ტორონტოში" წლიური ხელფასის სახით 15 მილიონ ევროს გამოიმუშავებს.
მიმდინარე სეზონში იტალიელმა გარემარბმა ყველა ტურნირზე ერთად 19 მატჩი ჩაატარა, 5 გოლი გაიტანა და 6 შედეგიანი პასი გააკეთა.
აღსანიშნავია, რომ ინსინიე "ნაპოლის" ღირსებას 2010 წლიდან იცავდა.