ავტორიზაცია

ზლატან იბრაჰიმოვიჩმა გაიმეორა რეკორდი, რომელიც ამ საუკუნეში მხოლოდ რონალდუს ჰქონდა დამყარებული

ზლატან იბრაჰიმოვიჩმა გაიმეორა რეკორდი, რომელიც ამ საუკუნეში მხოლოდ რონალდუს ჰქონდა დამყარებული
თარიღი: 09 იან 2022, 20:30

სერია ა-ს 21-ე ტურში „მილანმა“ „ვენეცია“ 3:0 სტუმრად გაანადგურა.

„როსონერის“ ერთ-ერთი გოლი (პირველი) ამ შეხვედრაში 40 წლის ზლატან იბრაჰიმოვიჩმა გაიტანა, რომელმაც რაფაელ ლეაუს საგოლე გადაცემით იხეირა.

„ვენეცია“ ევროპის ტოპ-4 ლიგებში მე-80 გუნდი გახდა, რომელმაც შვედი ფეხბურთელისგან გოლი გაუშვა. 

მიმდინარე საუკუნეში მსგავსი მიღწევა მხოლოდ კრიშტიანუ რონალდუს ჰქონდა, რომელიც ამჟამად „მანჩესტერ იუნაიტედში“ თამაშობს - საინტერესოა, რომ პორტუგალიელმაც ეს რეკორდი სულ ახლახანს, 30 დეკემბერს „ბარნლის“ წინააღმდეგ დაამყარა.

ევროპის ტოპ-4 ლიგებში ზლატანი პრემიერ ლიგაში „მან.იუნაიტედის" რიგებში თამაშობდა, ლა ლიგაში - „ბარსელონაში", სერია ა-ში, „ინტერში", „იუვენტუსში" და „მილანში", ლიგა 1-ში კი „პსჟ-ში".