ბარსელონამ პიკეს პოტენციური შემცვლელი აიაქსში იპოვნა
„აიაქსის“ მცველი ლისანდრო მარტინესი „ბარსელონას“ ინტერესთა სფეროში შედის.
ესპანური კლუბი არგენტინელ ფეხბურთელს სამომავლო პერსპექტივაში ჟერარ პიკეს შემცვლელად მოიაზრებს.
Tuttomercatoweb-ის ინფორმაციით, „ნიუელს ოლდ ბოისის“ აღზრდილმა კატალონიური კლუბის ყურადღება მიიპყრო და არ არის გამორიცხული, „ბარსელონამ“ მისი შეძენა ზაფხულის სატრანსფერო ფანჯრის დროს სცადოს.
23 წლის მარტინესი „აიაქსში“ „დეფენსადან“ 2019 წელს 7 მილიონ ევროდ გადავიდა და ამსტერდამულ გუნდთან მოქმედი კონტრაქტი 2025 წლამდე აკავშირებს, პორტალი Transfermarkt კი მის ღირებულებას 32 მლნ ევროდ აფასებს.
ამ სეზონში მარტინესმა ერედივიზიის 16 მატჩში მიიღო მონაწილეობა და 1 გოლი და 3 საგოლე გადაცემა მიითვალა.