VIDEO: საოცრად დრამატული ფინალი - ინტერმა იუვენტუსს ექსტრა-ტაიმის ბოლო წუთზე მოუგო და სუპერთასს დაეუფლა
იტალიის სუპერთასის მატჩში ერთმანეთს „ინტერი“ და „იუვენტუსი“ დაუპირისპირდნენ.
შეხვედრა მილანში სტადიონ „ჯუზეპე მეაცაზე“ გაიმართა და მასპინძელთა გამარჯვებით 2:1, დამატებით დროში დასრულდა
25-ე წუთზე მაკკენიმ მორატას პასით „იუვე“ დააწინაურა, თუმცა 10 წუთში ლაუტარო მარტინესმა პენალტი ზუსტად შეასრულა და ანგარიში გაათანაბრა.
ძირითად დროში მეტი გოლი აღარ გასულა და საქმე ექსტრა-ტაიმში გადავიდა, სადაც თითქოს ყველაფერი პენალტებისკენ მიდიოდა, თუმცა ალექსის სანჩესმა 120+1 წუთზე მოახერხა გამარჯვების გოლის გატანა და თავის გუნდს კიდევ ერთი ტიტული მოუტანა.