მალდინიმ დაადასტურა - ტეო ერნანდესის მომავალი გადაწყვეტილია

„მილანის“ დირექტორმა, პაოლო მალდინიმ, გუნდის წამყვან მცველთან, ტეო ერნანდესთან ახალი კონტრაქტის გაფორმება დაადასტურა.

„ტეო ერნანდესი გუნდთან ახალ კონტრაქტს უახლოეს დღეებში მოაწერს ხელს. შეთანხმება მიღწეულია - მხოლოდ დროის ამბავია, რომ მის აგენტს შევხვდეთ და საბუთები გავაფორმოთ.“ - ციტირებს მალდინის სიტყვებს ჟურნალისტი ფაბრიციო რომანო „ტვიტერზე“.

რომანოს თქმით, „მილანი“ ტეო ერნანდესის ახალ 5-წლიან კონტრაქტს უახლოეს პერიოდში ოფიციალურადაც დაადასტურებს.

24 წლის ფრანგი მცველი „მილანში“ მადრიდის „რეალიდან“ 2019 წლის ზაფხულში 21.5 მილიონ ევროდ გადავიდა და დღეის მონაცემებით, მისი ღირებულება Transfermarkt-ზე 48 მილიონს შეადგენს.

„მილანის“ მასიურით მარსელის ბინადარმა 105 მატჩის ჩატარება მოასწრო ,რომლებშიც 19 გოლი გაიტანა, 20 საგოლე გადაცემა მიითვალა, 28-ჯერ მიიღ ყვითელი და 2-ჯერ წითელი ბარათები.