არსენალის მცველი კარიერას ასტონ ვილაში გააგრძელებს

„არსენალის“ ფეხბურთელი, კალუმ ჩემბერსი“ „ასტონ ვილაში“ გადავიდა.

ფეხბურთელმა ბირმინგემულ გუნდთან 3.5-წლიანი კონტრაქტი გააფორმა.

მიკელ არტეტას ჩემბერსის გაშვება არ სურდა, თუმცა შეეგუა, რომ ფეხბურთელს მუდმივი სათამაშო პრაქტიკა სჭირდებოდა, რასაც „არსენალში“ ვერ იღებდა.

ჩემბერსი „არსენალში“ 2014 წლიდან თამაშობდა, სადაც „საუთჰემპტონიდან“ გადავიდა და მას გუნდთან კონტრაქტი 2022 წლის ზაფხულში ეწურებოდა.