"ვან გაალის ასისტენტად დაწყებული გზა", - ჰალ სიტიმ არველაძის სამწვრთნელო კარიერა მიმოიხილა

"ჰალ სიტის" ოფიციალურმა ვებგვერდმა გუნდის ახალ მთავარ მწვრთნელს, შოთა არველაძეს ვრცელი სტატია მიუძღვნა. გთავაზობთ ნაწყვეტს, რომელიც ქართველის სამწვრთნელო კარიერას ეხება.

"საფეხბურთო კარიერის დასრულებიდან მცირე ხნის შემდეგ, არველაძემ სამწვრთნელო კარიერა დაიწყო და ალკმაარში ვან გაალის ასისტენტად იმუშავა, შემდეგ კი კუმანთან და ადვოკაატთან.

2010 წელს, მან მთავარი მწვრთნელის ფუნქციები პირველად შეითავსა და ქაისერისპორი ჩაიბარა. ამ კლუბთან ერთად, შოთამ სუპერ ლიგაში მეექვსე და მე-11 პოზიციები დაიკავა.

შემდეგ ქასიმფაშას მიაშურა, რასაც ტრაბზონსპორი და მაკაბი მოჰყვა. 2017-დან 2020 წლამდე ის ფახთაქორში მუშაობდა, სადაც ხუთი ტიტული მოიგო და გუნდი აზიის ჩემპიონთა ლიგის 1/2 ფინალში გაიყვანა.

2019 წელს, ქართველმა სპეციალისტმა ტრიპლეტი მოიგო, 2020-ში - კი დუბლი შეასრულა. ტაშკენტელებმა 124 შეხვედრიდან 90-ში იმარჯვეს, რაც 72.6 პროცენტი გახლავთ.

ამ პერიოდში გუნდმა 289 გოლი გაიტანა, რაც საშუალოდ ერთ შეხვედრაში 2.3 ბურთია. საერთო ჯამში, მას მთავარი მწვრთნელის პოსტზე 346 შეხვედრა აქვს ჩატარებული.

ჰალ სიტის ახალი დამრიგებლის ბალანსი ასეთია - 178 გამარჯვება, 72 ფრე, 96 მარცხი", - წერია "ვეფხვების" ოფიციალურ ვებგვერდზე მათი ახალი 48-წლის მწვრთნელის შესახებ.

ენის ბარიერი პრობლემა იქნება? - არველაძის საინტერესო პასუხი ინგლისელ ჟურნალისტებს

რა ელის არველაძეს ჰალ სიტიში? - ინგლისური პრესა ქართველი მწვრთნელის დანიშნვას ეხმაურება