LIVE: დედლაინის დღე - სატრანსფერო ფანჯრის გადამწყვეტი საათები

სატრანსფერო ფანჯარა ევროპაში ჩვენი დროით 03:00 საათზე იხურება, რაც იმას ნიშნავს, რომ წინ ძალიან ბევრი მნიშვნელოვანი და შეიძლება მოულოდნელი ტრანსფერი გველოდება. 

🔴 03:01 დიდი ალბათობით ამაღამ ბარსელონა პიერ-ემერიკ ობამეიანგის ტრანსფერის ოფიციალურად დადასტურებას ვერ მოახერხებს. იმისთვის, რომ ეს მოხდეს, გაბონელმა ჯერ არსენალთან უნდა გაწყვიტოს კონტრაქტი და ბარსელონას შეუერთდეს. 

დიახ, დეტალები შეიცვალა - ფეხბურთელი ბარსაში არა იჯარით, არამედ სრულფასოვანი კონტრაქტით გადავა, რადგან არსენალთან ხელშეკრულებას შეთანხმების საფუძველზე წყვეტს. 

02:03 ოფიციალურად: მადრიდის ატლეტიკომ ფრანგული ლილის მარცხენა მცველის რეინილდო მანდავა გაიფორმა

🔴 02:01 „ლივერპულმა" 10 მილიონ ევროდ „ფულემის" შემტევ ნახევარმცველს ფაბიო კარვალიოს ტრანსფერი შეათანხმა - ახლა კლუბებმა 1 საათში საბუთების დროულად მომზადება უნდა მოასწრონ. 

 01:44 ქეისი საბოლოოდ დაიხურა - უსმან დემბელე ზაფხულამდე ბარსელონაში რჩება

01:29 ოფიციალურად: აარონ რემსი რეინჯერსის ფეხბურთელია

01:05 ფოტომტკიცებულება - აარონ რემსი შოტლანდიაში ჩავიდა რეინჯერსთან კონტრაქტის გასაფორმებლად. იჯარა + გამოსყიდვის უფლება ❗

🔴🔴 01:00 პიერ-ემერიკ ობამეიანგი ამ წუთებში ბარსელონაში სამედიცინო შემოწმებას გადის

00:02 ავტორიტეტული ფაბრიციო რომანო ამბობს, რომ უსმან დემბელეს ტოტენჰემში გადასვლა გამორიცხულია - NO CHANCE! 

23:46 „ბარსელონას“ ფრანგი შემტევის, უსმან დემბელეს მიმართ ინტერესს სატრანსფერო ფანჯრის დახურვამდე 3 საათით ადრე „ტოტენჰემი“ იჩენს - ფეხბურთელს ეს ვარიანტი მოსწონს და ტრანსფერი რეალურია. 

🔴🔴23:39 ბარსელონამ და არსენალმა პიერ-ემერიკ ობამეიანგის იჯარაზე შეთანხმებას მაინც მიაღწიეს, გაბონელი ბარსელონას ფეხბურთელი გახდება და გუნდთან 6-თვიან კონტრაქტს გააფორმებს. სამედიცინო შემოწმება დღეს უნდა გაიმართოს. 

22:51 ოფიციალურად: დონი ვან დე ბეეკი სეზონის ბოლომდე იჯარით ევერტონში ითამაშებს

22:30 ბარსელონას პრეზიდენტი ჟოან ლაპორტა: "ობამეიანგის დამატება გვსურს. რთული ოპერაციაა, მაგრამ იმედი ჯერ კიდევ არის" 

22:15 მანჩესტერ იუნაიტედმა ჯესი ლინგარდის გაშვებაზე საბოლოო უარი თქვა - ფეხბურთელი ოლდ ტრაფორდზე რჩება! 

21:56 ბარსელონას პრეზიდენტი ჟოან ლაპორტა შესაძლო ტრანსფერებზე: „ვარიანტები ჯერ კიდევ გვაქვს, რომლებზეც ვმუშაობთ და ბოლო წუთამდე ვიმუშავებთ.“ 

კატალონიელებს ბოლოს ობამეიანგის იჯარა ჩაეშალათ, მას შემდეგ ჯერჯერობით კამპ ნოუდან სიჩუმეა. 

21:54 აიაქსს სტივენ ბერგვაინის ტრანსფერი ჩაეშალა - ნიდერლანდელები არ იყვნენ მზად 25 მილიონის გადასახდელად და ანტონიო კონტეს ფეხბურთელის შენარჩუნება სურდა. 

21:52 გადაწყვეტილია: ჯოვანი ლო ჩელსო „ტოტენჰემიდან" კარიერას „ვილიარეალში" გააგრძელებს. არგენტინელი ესპანურ გუნდს იჯარით შეუერთდება. 

21:50 ოფიციალურად: ბრაიან ხილი „ტოტენჰემიდან“ სეზონის ბოლომდე იჯარით „ვალენსიაში“ გადავიდა. 

21:20  ობამეიანგის ტრანსფერის ჩაშლის მიზეზი - არსენალმა ფეხბურთელის ხელფასის მცირე ნაწილის გადახდაზეც კი უარი თქვა და სურდა რომ ხარჯები ბოლომდე ბარსელონას დაეფარა. 

21:03 დელე ალის ტრანსფერის დეტალები: ფეხბურთელი ევერტონთან 3.5-წლიან კონტრაქტს აფორმებს

ევერტონი ტოტენჰემს 12 მილიონ ევროს (+ ბონუსებს) გადაუხდის მაშინვე, როგორც კი ალის გუნდში 20 მატჩი დაუგროვდება. საბოლოოდ, ტრანსფერის ფასმა შეიძლება 35/40 მლნ ევროს მიაღწიოს, თუმცა ეს თავად დელეს და გუნდის ასპარეზობაზეცაა დამოკიდებული. 

20:57 დორტმუნდის შვეიცარიელი მეკარე რომან ბიურკი ფრანგულ ლორიანში გადასვლასთან არის ახლოს - ინფორმაციას L'Equipe იტყობინება. 

20:56 ნიკოლას ტალიაფიკოს ტრანსფერი ბარსელონაში ჩაიშალა - კლუბები ვერ შეთანხმდნენ. ბარსელონას მისი იჯარით აყვანა სურდა, აიაქსი კი მხოლოდ სრულფასოვან ტრანსფერს განიხილავდა. 

20:55 ესპანური გამოცემა ABC-ს ინფორმაციით, უსმან დემბელე ჩელსიში გადასვლასთან არის ახლოს.

20:53 გადაწყვეტილია: პიერ-ემერიკ ობამეიანგი ბარსელონაში იჯარით არ გადავა. ბრიტანული მედია იტყობინება, რომ არსენალი და ბარსელონა ფეხბურთელის ხელფასის გადანაწილებაზე ვერ შეთანხმდნენ.

ეს ყველაფერი კი მიუხედავად იმისა, რომ ობამეიანგი დღეს ბარსელონაშიც კი ჩაფრინდა და მისთვის კატალონიაში სამედიცინო შემოწმებაც დაინიშნა. 

20:50 ოფიციალურად: ტოტენჰემმა იუვენტუსის მეორე ფეხბურთელის, დეიან კულუშევსკის ტრანსფერიც ოფიციალურად დაადასტურა. 

ფეხბურთელი გუნდს იჯარით + გამოსყიდვის უფლებით შეუერთდა. 

20:42 ოფიციალურად: როდრიგო ბენტანკური „იუვენტუსიდან" კარიერას „ტოტენჰემში" გააგრძელებს. ლონდონურმა კლუბმა ფეხბურთელში 19 მილიონი ევრო გადაიხადა, კიდევ 6 მლნ კი ბონუსებით იქნება გათვალისწინებული.

ბენტანკურმა „დეზებთან" 4.5-წლიანი კონტრაქტი გააფორმა. 

20:27 გადაწყვეტილია: ალვარო მორატა სეზონს იუვენტუსში ჩაამთავრებს - მისით არსენალი და ბარსელონა ინტერესდებოდნენ. 

20:24 ოფიციალურად: მანჩესტერ სიტიმ რივერ პლეიტის ახალგაზრდა თავდამსხმელი ხულიან ალვარესი გაიფორმა.

ინგლისის ჩემპიონებმა ტრანსფერში 17+1.5 მილიონი ევრო გადაიხადეს (ბონუსებისჩათვლით). 

ალვარესი „რივერ პლეიტში“ მინიმუმ ზაფხულამდე იჯარით დარჩება. 

20:20 ჯესი ლინგარდმა რალფ რანგნიკს „მანჩესტერ იუნაიტედის“ დატოვების სურვილი გამოუთქვა, ფეხბურთელით დედლაინზე „ვესტ ჰემი“ და „ნიუკასლი“ ინტერესდებიან, ყველაფერი „წითელი ეშმაკების“ ხელშია. 

20:18 „ვილიარეალი“ და „ტოტენჰემი“ ნახევარმცველ ჯოვანი ლო ჩელსოს ტრანსფერზე აწარმოებენ მოლაპარაკებებს, ფეხბურთელის ტრანსფერს უნაი ემერი ითხოვს და შეთანხმების ალბათობა მაღალია. 

20:15 გადაწყვეტილია: აარონ რემსი „იუვენტუსიდან" კარიერას შოტლანდიურ „რეინჯერსში" გააგრძელებს. იჯარა + გამოსყიდვის უფლება ✅

20:15 ოფიციალურად: იუვენტუსმა ფროზინონედან 7.5 მილიონ ევროდ ფედერიკო გატი დაიმატა. 

20:03 გადაწყვეტილია: დელე ალი „ტოტენჰემიდან" კარიერას „ევერტონში" გააგრძელებს. კლუბები შეთანხმდნენ და ტრანსფერი დაიხურა - ინგლისელი „ირისებთან" 3.5 წლიან კონტრაქტს გააფორმებს. ახალ გუნდში ფრენკ ლამპარდს დელე ალი და დონი ვან დე ბეეკი (იჯარით) მიყავს. 

20:00 ოფიციალურად: ტანგი ნდომბელე „ტოტენჰემიდან“ კარიერას იჯარით თავის ყოფილ გუნდში, „ლიონში“ გააგრძელებს. იჯარა სეზონის ბოლომდეა გათვალისწინებული და სეზონის ბოლოს „ლიონს“ მისი გამოსყიდვა 65 მილიონ ევროდ შეეძლება.