მოიესი: "რაისი 100 მილიონი ღირს? კი, თანაც ეს ფასდაკლებით"
"ვესტ ჰემის" მთავარმა მწვრთნელმა, დევიდ მოიესმა შეაქო ნახევარმცველის, დეკლან რაისის თამაში, რომელსაც პრემიერ ლიგის ერთდროულად რამდენიმე ტოპ კლუბი ეპატიჟება.
"ზაფხულში ვთქვი, რომ რაისი, ჩემი აზრით, 100 მილიონი ფუნტი ღირს და ეს იყო ფასდაკლებით, დანარჩენებს ჰქონდათ შანსი მიეღოთ რაისი ასე იაფად. რაისი არის ერთ-ერთი საუკეთესო ფეხბურთელი, ვისთანაც მიმუშავია.
ასაკი მას საშუალებას აძლევს განაგრძოს პროგრესი. მას აქვს პოტენციალი დაამატოს და კიდევ უფრო მომწიფდეს. მას მოქმედი კონტრაქტი აქვს და ჩვენ ძალიან გვიხარია, რომ ის ჩვენთან გვყავს.
ის ჰგავს სპეციალურ გამოცემას, მსგავსი ბევრი არ არის. ჩემთვის ის ევროპაში ნებისმიერი სხვა ნახევარმცველის დონეზე თამაშობს. სპეციალურ გამოცემაში ვგულისხმობ, რომ ასეთი მოთამაშე ბევრი არ არის.
ეს ჰგავს რაღაცის ყიდვას, რაც შეზღუდულია. ჩემთვის ის განსაკუთრებული მოთამაშეა და ალბათ საუკეთესო ნახევარმცველია ევროპაში ამ დროისთვის", - განაცხადა მოიესმა.
