ავტორიზაცია
რას ფიქრობს ხავი ალბაზე და იყიდის თუ არა ბარსელონა ზაფხულში ახალ მარცხენა მცველს?
"ბარსელონას" მთავარი მწვრთნელი, ხავი მარცხენა მცველს, ხორდი ალბას ბოლომდე ენდობა, იტყობინება ცნობილი გამოცემა Diario Sport-ი.
ესპანელი სპეციალისტი 32 წლის ფეხბურთელის ოსტატობაში იმდენად დარწმუნებულია, რომ ზამთარში კლუბმა ყურადღება შეტევის გაძლიერებაზე გაამახვილა და არა დაცვის ხაზის მარცხენა ფლანგის, სადაც ალბას ალტერნატივა მხოლოდ 18 წლის ალექს ბალდეა.
მიუხედავად ამისა, კატალონიელები აღნიშნულ პოზიციაზე ძლიერი ფეხბურთელის დამატებას მაინც აპირებენ, რათა ამ უკანასკნელმა ალბას როგორც მინიმუმ კონკურენცია გაუწიოს.
მიმდინარე სეზონში გამოცდილმა ესპანელმა, რომელსაც "ბარსელონასთან" მოქმედი კონტრაქტის ვადა 2024 წლის ივნისამდე აკავშირებს, ყველა ტურნირზე ერთად 23 მატჩი ჩაატარა და 6 შედეგიანი პასი გააკეთა.
