ბაიერნის შეთავაზებამ არ დააკმაყოფილა — დორტმუნდში ზულეს ხელფასი ცნობილია
მოგეხსენებათ, "ბაიერნის" მცველი, ნიკლას ზულე ზაფხულში მიუნხენური გრანდიდან წავა და უფასოდ "დორტმუნდს" შეუერთდება.
26 წლის ფეხბურთელი ბორუსიელებთან 4 წელზე გათვლილ კონტრაქტს მოაწერს ხელს და მისი წლიური ანაზღაურება 10 მილიონი ევრო იქნება.
გერმანელი "რეკორდმაისტერის" მიერ შეთავაზებულმა ფინანსურმა პირობებმა არ დააკმაყოფილა და წასვლა გადაწყვიტა.
გავრცელებული ინფორმაციით, მიუნხენელები ზულეს 10 მილიონზე ნაკლებს სთავაზობდნენ. ამ დროისთვის, იგი დაახლოებით 6 მილიონს გამოიმუშავებს.
გარდა ამისა, ნიკლასის წასვლაზე გავლენა იმანაც მოახდინა, რომ "რეკორდმაისტერი" დიდხანს არ უკავშირდებოდა და როცა ეს მოხდა, წინადადება მხოლოდ სიტყვიერი იყო.
ზულე "ბაიერნში" მეხუთე სეზონს ატარებს და მიმდინარეში ყველა ტურნირზე ერთად 26 შეხვედრაში მიიღო მონაწილეობა და ერთი გოლი შეაგდო.
