პოჩეტინო: "არა მგონია, რომ რეალთან მატჩებმა მბაპეს გადაწყვეტილებაზე გავლენა მოახდინოს"

"პსჟ"-ს მთავარი მწვრთნელი, მაურისიო პოჩეტინო მიიჩნევს, რომ ჩემპიონთა ლიგის 1/8 ფინალში "რეალთან" გასამართი მატჩები მომავალთან დაკავშირებით თავდამსხმელ კილიან მბაპეს გადაწყვეტილებაზე გავლენას არ მოახდენს. 

"არა მგონია, რომ ასეთი მნიშვნელოვანი გადაწყვეტილება ერთი მატჩის ან წყვილის გამო იქნას მიღებული", - ციტირებს არგენტინელი სპეციალისტის სიტყვებს Cadena SER-ი.

"ჭკვიანი ბიჭია, დიდი ანალიტიკური უნარებით, ყოველთვის იცის, თუ რა უნდა თავისი კარიერისთვის და მომავლისთვის. მის გვერდით არიან ადამიანები, რომლებიც ურჩევენ, თუ როგორ უნდა მოიქცეს".

"ვხედავ, მშვიდად არის, კონცენტრირებულია "პსჟ"-სთვის ყველაფრის გაკეთებაზე, როგორც თქვა. პატივი უნდა ვცეთ და გადაწყვეტილებას ამ დაპირისპირების დასრულების შემდეგ მიიღებს", - დასძინა პოჩეტინომ.

შეგახსენებთ, "პსჟ"-სა და "რეალს" შორის პირველი 1/8 ფინალური დაპირისპირება სამშაბათს, პარიზში, "პარკ დე პრენსზე" გაიმართება.

ანელკა: "მბაპე პსჟ-ს დატოვებს და ვფიქრობ, უკვე ვიცი, თუ სად ითამაშებს მომდევნო სეზონში"