დინამო ბათუმი VS საბურთალო | ახალი სეზონი ტიტულით დაწყების მოლოდინში

საქართველოს 2022 წლის სეზონის სუპერთასის მატჩში ქვეყნის ჩემპიონი ბათუმის დინამო თასის მფლობელ საბურთალოს დაუპირისპირდება.

• ცვლილებები სეზონის წინ

ორივე გუნდში სეზონის სტარტზე ბევრი ცვლილება მოხდა, ბათუმის დინამომ დაიმატა შემდეგი ფეხბურთელები: გიორგი ბეგაშვილი(მეკარე), ლუკა ქაფიანიძე(მცველი), გიორგი რეხვიაშვილი(მცველი), აბრაჰამ ფრიმპონგი(მცველი), მილან რადინი(ნახევარმცველი), გუგა ფალავანდიშვილი(ნახევარმცველი), ირაკლი ბიძინაშვილი(ნახევარმცველი), ჯანო ანანიძე(ნახევარმცველი) და ელგუჯა ლობჯანიძე(თავდამსხმელი).

რაც შეეხება საბურთალოს, ქვეყნის ჩემპიონების მსგავსად, მათთანაც ბევრი ახალწვეული მივიდა: ნოდარ იაშვილი(მცველი), გია ჩადუნელი(მცველი), ალექსანდრე გურეშიძე(მცველი), დავით უბილავა(მცველი), ბაქარ ქარდავა(ნახევარმცველი), ლაშა შინდაგორიძე(ნახევარმცველი), ნოდარ ქავთარაძე(ნახევარმცველი) და ირაკლი სიხარულიძე(თავდამსხმელი).

• სეზონისწინა შეკრება

როგორც ბათუმის დინამომ, საბურთალომაც წინასასეზონო შეკრება თურქეთში გაიარა. გია გეგუჩაძის გუნდმა 2 შეხვედრა მოიგო: პოზნანის ლეხთან და ინჰულეცთან. 3 მატჩი ფრედ ითამაშა და ორიც წააგო.

რაც შეეხება ლევან კორღალიძის გუნდს, მათ ჩემპიონებისგან განსხვავებით, ორის ნაცვლად ერთი უცხოური შეკრება დაგეგმეს, რომლის პირობებშიც 4 ამხანაგური მატჩი ჩაატარეს, 1 მოიგეს, 1 ფრედ ითამაშეს და ორი წააგეს.

• სავარაუდო შემადგენლობა

დინამო ბათუმი: კუპატაძე - ჩაბრაძე, კობახიძე, აზაცკი, აზაროვი - ალთუნაშვილი, ტეიდი - ჯიღაური, ზარია, მამუჩაშვილი - ფანცულაია

საბურთალო: გოშაძე - იაშვილი, კაკუბავა, ჯგერენაია, ლაცაბიძე - ქარდავა, ნონიკაშვილი - გოჩოლეიშვილი, გულიაშვილი, ტაბატაძე - სიხარულიძე

ბათუმის დინამოსა და საბურთალოს მატჩი ქუთაისში, რამაზ შენგელიას სახელობის სტადიონზე გაიმართება. შეხვედრა 18:00 საათზე დაიწყება.