VIDEO: სალაჰის და მანეს მორიგი ბენეფისი - ლივერპულმა ლიდსს საჩოგბურთო ანგარიშით მოუგო

პრემიერ ლიგის გადადებულ მე-19 ტურში „ლივერპულმა“ შინ „ლიდსი“ გაანადგურა.

შეხვედრა „ენფილდზე“ გაიმართა და მასპინძელთა გამარჯვებით 6:0 დასრულდა.

„ლივერპულმა“ ამ მატჩში გამარჯვებულის საკითხი პირველივე ტაიმხში მოხსნა - მოს ალაჰმა ორი პენალტით დუბლი გაიფორმა და გოლებს შორის მატიპსაც გაატანინა.

შესვენების შემდეგ დუბლის გაფორმება სადიო მანემ მოახერხა, მატჩში წერტილი კი ვირჯილ ვან დეიკმა დასვა და „ლივერპულს“ საჩოგბურთო სეტის ანგარიშით მოგება გაუნაღდა. 

ამ გადადებული მატჩის მოგებით „ლივერპულმა“ 60 ქულა დააგროვა და ცხრილში ლიდერ „სიტისთან“ სხვაობა უკვე სულ რაღაც 3 ქულამდე შეამცირა, „ლიდსი“ კი 23 ქულით მე-15 ადგილზეა.