"გუნდის თამაშზე უდიდესი გავლენა აქვს", - ტუხელმა ჩელსის წამყვანი ფეხბურთელი დაასახელა

"ჩელსის" მთავარი მწვრთნელი, ტომას ტუხელი ჩემპიონთა ლიგაზე "ლილთან" (2:0) გამართულ პირველ 1/8 ფინალურ მატჩში ნ'გოლო კანტეს თამაშით აღფრთოვანებული დარჩა.

მოგეხსენებათ, "არისტოკრატთა" ფრანგი ნახევარმცველი აღნიშნული შეხვედრის საუკეთესო ფეხბურთელად დასახელდა.

"სტუმრად გატანილი გოლის წესის მიხედვით, შედეგი უკეთესი იქნებოდა, მაგრამ მორიგი მშრალი მატჩი ჩავატარეთ და ეს სრულიად დავიმსახურეთ".

"თავდაუზოგავად ვიმუშავეთ, რათა ჩვენს კართან საგოლე მომენტები თავიდან აგვეცილებინა, ძლიერი მეტოქეა, კარგი მონაკვეთებიც გვქონდა და ცუდიც, მაგრამ მოწინააღმდეგეს გოლის გატანის სერიოზული შანსები არ ჰქონიათ".

"კანტეს თამაშით ძალიან კმაყოფილი ვარ. ბოლო მატჩებში პრობლემები ჰქონდა, მაგრამ დღეს კარგად გამოვიდა, უმალვე შეიძლება იმის დანახვა, თუ რა გავლენას ახდენს მოედანზე".

"ეს არის ფეხბურთელი, რომელიც თამაშს ცვლის. გუნდის თამაშზე უდიდესი გავლენა აქვს", - ციტირებს ტუხელის სიტყვებს BBC.

"კანტე თუ მე?", - კაზემირომ ფრანგთან შედარებაზე ისაუბრა