VIDEO: ბარსელონამ ელჩესთან მატჩი მეორე ტაიმში დააქამბექა და ლა ლიგაში მე-3 პოზიციაზე გადაინაცვლა

ლა ლიგის 27-ე ტურში „ბარსელონამ“ სტუმრად „ელჩე“ დაამარცხა.

მატჩი სტადიონ „მანუელ მარტინეს ვალეროზე“ გაიმართა და სტუმართა გამარჯვებით 2:1 დასრულდა.

44-ე წუთზე ფიდელმა პედრის შეცდომით ისარგებლა და „ელჩეს“ ტაიმი მოაგებინა, თუმცა შესვენების შემდეგ „ბარსამ“ ძალები მოიკრიბა და დაქამბექება შეძლო. მე-60 წუთზე ფერან ტორესმა ანგარიში გაათანაბრა, 84-ზე კი მემფის დეპაიმ პენალტი ზუსტად შეასრულა და გამარჯვების გოლიც გაიტანა.

„ბარსელონამ“ ლა ლიგაში ზედიზედ მე-3 მატჩი მოიგო და ცხრილში უკვე მე-3 პოზიციაზე გადაინაცვლა 48 ქულით, ახლა წინ მხოლოდ „სევილია“ (55) და „რეალი“ (63) არიან, თუმცა ამ ორ გუნდს ერთი მატჩით მეტი აქვთ ჩატარებული.